李玟接受人工受孕 陳慧琳分享辛酸：打針打到肚都花晒
發布時間： 2018/03/29 16:20
最後更新： 2023/03/28 15:39
▲ 陳慧琳分享當年接受人工受孕的辛酸。
現年43歲的李玟（CoCo），日前出席活動時自爆早前到美國紐約接受人工受孕療程，更要自己打針，回想起來亦覺恐怖。同樣接受人工受孕的陳慧琳（Kelly），3月28日出席公開活動時也分享，幼子「小籠包」劉琛是經人工受孕，並由自己親手打針，打針打到肚都花晒。
Kelly無畏無懼 親手抽卵子完成生B大計
現育有2子劉昇、劉琛的Kelly，3月28日出席「Lora Piana展覽」時，被懷疑「有喜」。她即時澄清，並表示現在已「封肚」，但自爆6年前曾為了產子，親手打針抽卵子。問到當中的過程，她毫無懼色地說：
個肚花晒都是但啦！枝針幾粗都拮入嚟啦！忍！
問到是否親手打針，她直言：
呢個時候仲唔自己親手做晒咩！叫人做，太恐怖喇！我自己知自己事，畀人打唔知幾時拮入嚟。
當被讚勇敢時，她說：
我唔驚嘅。呢啲時候，嚟就嚟啦，刀槍不入！
走過喪女之痛 再度接受人工受孕誕幼子
Kelly2011年經人工受孕懷有孖女，可惜懷胎5個月後流產，當時Kelly於網誌宣布：「盡了最大的努力後，兩位女兒始終未能夠跟我們一同生活。」
走過喪女之痛、花了3個月調整心情及身體後，Kelly再試人工受孕，並成功懷孕，並於2012年誕下幼子劉琛（小籠包）。現時，長子劉昇（蝦餃仔）已8歲，幼子劉琛（小籠包）已6歲。弟弟劉琛去年更升讀year 1，與哥哥就讀同一所國際學校。
李玫打針3星期抽卵子
現年43歲的李玟（CoCo），前晚與韓國男神崔始源及MC Jin（歐陽靖）等在出席香檳派對時，與富商老公Bruce甜蜜現身。期間，她自爆早前到紐約接受人工受孕療程，更要自己打針，回想起來亦覺恐怖。
43歲的CoCo坦言想生子，但人工受孕過程有點辛苦︰
喺屋企我最細，兩個家姐都錯過咗，自覺目前係適當時候（人工受孕）。
其中一次要打三針，支針好粗插入去，我以為做唔到，同自己講You have to do it，本身只係打10至14日，但係期間因為無反應，所以要打三星期。
依家抽到一粒卵子，要再做多幾次，做女人真係唔容易！
CoCo透露將會停工幾個月，希望今年或明年把受精卵放入體內。至於生多少個？她表示與老公均希望生2個，但明白嬰兒是天賜的禮物，即使失敗也沒所謂。
